Bedoniana
(Castañal en San Antolín de Beón)
L’amarga voz del mar resuella nel pedreru.
Volvemos a la vega p’almirar l’abesida
ferida de la muerte nes piedres del cenobiu.
Per onde empieza’l monte (una llinia nel tiempu
que traza la gadaña) la castañal antigua
entá respira vida na llende de la historia.
El mofu bien la arropa y la llóndriga cánta-y
nes coraes del sotu, a la vera del ríu.
¿Tará fechu de fríu un corazón de sieglos?
Mira cómo-y revienten les costures del tueru,
cómo se-y enguedeyen les varicies pela alma,
árbol desarboláu que yá nun da solombra.
La paraza nun sangra nin pinga la cazumbre
nes telarañes muertes. ¿Serán de mar les llárimes
que vierta la memoria? La tarde ta al escuchu.
Calla l’árbol y duel-y el fracasu del arte,
el miedu de les piedres. Si vivir ye escaecer
abondu olvidu guarda la castañal tan sola.
Antón García, poeta asturiano, amigo, firma este poema que me ha conmovido y llenado de añoranza. Rememora un paisaje que me es propio, como ese castaño con el que ilustra el poema. Lo robé de su blog que os animo a visitar.
No hay comentarios:
Publicar un comentario